小方泰國誤闖金魚缸 Stephy力撐揼骨按摩好正常
(星島日報 報道)鄧麗欣 （Stephy）昨日開腔力撐小方，說他只是誤闖泰國 色情場所，對小方的人格投以百分百信心！Stephy又大彈雜誌用字肉酸，是缺德行為，明知事實真相卻講大話誣衊他！看來Stephy對小方這位緋聞男友認真信心十足！文、圖：黃芷櫻
鄧麗欣（Stephy）和Janice Man昨日到屯門 市廣場出席「歌舞青春熱力迎暑假」熱舞香港區選拔賽活動，兩人齊齊擔任評判之餘，還分組跟小舞蹈員一同表演。
Stephy表示看到參賽隊伍，便憶起年幼時很渴望加入啦啦隊，以及跟Cookies 成員一齊練舞的往事，Stephy說：「雖然我讀嘅中學無啦啦隊，又唔敢叫媽咪買尼龍繩給我，但我有儲起綁蛋糕盒嘅紅繩，用來自製啦啦球，細個嗰時覺得啦啦隊啲短裙好靚。至於一班人跳舞跳得齊，其實好難，令我想起以前Cookies練舞，要夾好耐先夾得好。」
提到方力申 被指在泰國清邁進入色情場所的報道，Stephy力撐小方說：「唔使問對方，自己都會相信佢，只係雜誌影相作古仔。（小方向妳訴苦？）也不算，但佢有唔開心，因為咁會影響佢嘅人格，字眼肉酸更會影響工作。其實揼骨係一件好簡單嘅事，只係按摩、去Relax，但就沒想到酒店大堂有咁開揚嘅事。我去泰國都會揼骨，如果換轉係我入去，都唔知會被點樣寫。（妳有安慰小方嗎？）都有，最重要係佢無做，一定無問題，件事咁寫我覺得好缺德，明知事實真相，都要講大話誣衊佢。（妳會接受男友逢場作興嗎？）我唔接受。」
Janice Man想拍非一般寫真
另外，Janice Man表示也曾學跳舞兩個月，而圈中最欣賞的舞者是郭富城 。提到近期不少女藝人和女模推出個人寫真集，Janice Man指每個人都有不同賣點，而自己有計畫推出非一般的寫真集，但想有特別構思和最佳狀態才拍攝，更會支持別人的寫真集作為參考。
